Atletang Pinoy

Salamat at tuloy na ang pagsasagawa ng 30^th Asian Games sa Pilipinas sa susunod na taong 2019.

Malaki ang maitutulong ng ‘regional sports events ‘ na ito, hindi lamang sa ating mga atletang lalahok sa kompetisyon, magkakaroon din ng pagkakataon na personal na suportahan ng mga manonood  ang ating manlalaro tulad ko na isang o “pingpong enthusiast.”

Hindi lang pala abala itong si Foreign Affairs Secretary Alan Cayetano sa ‘geo politics,’ pang sports din.  Sa totoo lang ang mga bagay na mahirap makuha sa pagpapalitan ng ‘diskurso’ o mga ‘diplomatic jargon,’ ay nakukuha sa pamamagitan ng sports.

Ang mailap na kapayapaan sa Korean Peninsula ay ‘nahuli’ sa pamamagitan ng ‘Winter Olympics.’ Ito ang naging susi upang ang dalawang lider ng Korea sina Kim Jung Un at Moon Jae-In ay magkita. Sumunod naman ang hindi inaasahan, ang personal na pagkikita nina Kim at US President Donald Trump. Ang NBA star na si Dennis Rodman ay nakatulong sa pagbaba ng tensiyon sa Korean Peninsula.

0000

Masuwerte ang mga atletang Pinoy ngayon dahil mayroong mga opisyal ng gobyerno tulad ni Secretary Cayetano na mahilig sa sports. Kung hindi ako nagkakamali ay basketbolista ang Kalihim. 

Dahil nasa dugo ang pagiging atleta, si Cayetano ang nagkumbinse kay Pangulong Rodrigo Duterte na pumayag para matuloy ang ‘hosting’ ng Pilipinas sa 30th Southeast Asian Games sa  2019. Matatandaang umatras ang Pilipinas noong Hulyo dahil sa problema sa terorismo sa Mindanao.

Dahil kilalang “basketball fan”  tumulong din si Cayetano para makumbinse ang pamunuan ng Samahang Basketbol ng Pilipinas, Philippine Olympic Committee at Philippine Basketball Association para magpadala pa ng bagong koponan sa Asian Games. Dahil sa ‘diplomatic moves’ ngayon naglalaro na ang koponan ng Pilipinas sa Asian Games kasama ang Fil-Am NBA player na si Jordan Clarkson ng Cleveland Cavaliers.

0000

Dahil lampas isang taon na lang ang paghahanda para 30^th Asian Games 2019, inaasahan ang pagpapaganda o pagsasaayos sa mga lugar na pagdarausan ng kompetisyon at isa sa mga venue  –kung hindi nabago ang plano – ay ang Amoranto Sports Complex sa Lungsod ng Quezon , dito nakatakdang gawin ang ‘cycling events.’

Maliban sa Metro Manila, gagawin din ang mga sport events sa Philipine Arena sa Bocaue, Bulacan, Subic Bay Olongapo Zambalez at Clark sa Pampanga. Ilan sa mga event na mapapanood ay athletics, aquatics, gymnastics, archery, badminton, baseball, basketball, billiards, bowling, boxing, cycling, polo, fencing, football, golf, judo, karatedo, sailing, sepak takraw, shooting, squash, tae kwon do, triathlon, volleyball, weightlifting, wrestling, wushu, arnis, dance sport at muay thai. 

Nasaan kaya ang  pingpong dito?

Sa matagal na panahon at sa mga nakaraang administrasyon, nabalot ng kontrobersiya at katiwalian ang ‘Philippine sports.’ Ang table tennis isa na rito. Sana panahong ito matuldukan na ang nakaraan. Ang mga atletang pinoy ay hindi dapat nasasama sa pulitika.

Kung may tokhang sa droga, dapat itokhang din ang mga nananamantala sa mga atletang pinoy.

21 August 2018