Bangon Marawi
Isang daan
at apatnapu’t isang araw na ang bakbakan sa Marawi City. Nagsimula ang gulo noong
Ika-23 ng buwan ng Mayo.
Makailang
beses na ring nagtungo ang Pangulong Duterte sa napakagandang lungsod, noong
hindi pa winasak ng giyera.
Ayon sa
Pangulo bubuhusan ng malaking pera ang rehabilitasyon ng Marawi City. Ang ‘international community’ nangako din ng
tulong sa pagbangong muli ng lungsod.
Bangon
Marawi. Malaking hamon ito, hindi lamang sa gobyernong Duterte, kundi ganon na
rin sa Muslim community, partikular sa mga Maranaw, dahil una sa lahat sila ang
naapektuhan ng kaguluhan.
Hindi
lamang ang pisikal na kaanyuhan ng lungsod ang dapat manumbalik.
Ang
emosyonal at sikolohikal na aspeto ng rehabilitasyon ng komunidad ay napakahalaga.
Ayon sa
ilang NGO na nakapasok sa Marawi City, ang tinatawa ng “psycho-social
intervention’ para sa mga residente, lalo na ng mga
biktima ay lubhang kailangan.
Kailangang
manumbalik na muli ang pisikal na kagandahan ng Marawi, higit lalo sa lahat ang
pagbangong muli ng mga Maranaw.
Malalim ang
“trauma’ na idinulot ng bakbakan. Agad sanang maghilom ang sugat,at manaig ang
kapayapaan sa pagbangong muli ng Marawi City.
0000
Naganap na
ang balasahan sa Bureau of Customs, walong District Collector at tatlumpong mga
section chief ang unang nasampolan.
Ayon kay
Commissioner Isidro Lapeña, layon ng kanyang hakbang ay para mapabilis ang
transaksiyon sa ahensiya at mabawasan kung hindi man ay tuluyan ng matuldukan
ang katiwalian sa Bureau.
Katulad ng
ibang nagdaang Commissioner, si Lapeña ay may bitbit ding mga sariling tao –
mga mapagkakatiwalaang mga tao. Hangad
natin na magtagumpay si Heneral at hindi
matulad sa mga nauna sa kanya.
0000
Nagmamalaki
ang mga mambabatas na nagsulong na wala ng ‘expiry date’ ang mga “gift
certificate.” Maraming salamat po…
Mas
masaya, kung busisiin na rin ng Kongreso ang ‘expiration’ ng mga ‘ load’
sa pre-paid cell phone.’
Grabeng magharang
at mangholdap ang mga “telcos.’ Kapag nagpa-load ka ng sampung piso (P10) at
hindi mo nagamit ng ilang araw, bigla na lang nauubos.
Kung kailan
mo kailangan, hindi mo magagamit ang load mo dahil nilamon na ng Telcos.
Milyon-milyon
ang mga Pilipino na may pre-paid cell phone, siguradong paldong-paldo ang mga Telcos
…
0000
Sana hindi
‘ningas-cogon’ ang pinakahuling aksiyon ng Land Transportation Franchising and
Regulatory Board (LTFRB) laban sa mga nangongontratang taxi driver.
Patunay
lamang na nasa kalsada pa rin ang mga buwaya at manlalamang sa kapwa.
Go lang
Atty Lizada, mabawasan man lamang ang mga hindi patas sa kalsada.
0000
Comments