'Tempest wind'
Noong
nakaraang lingo, isang ‘insidente ng terorismo’ ang naganap sa Clark
International Airport. Hindi ito namalayan ng nakararami.
Hindi ito
natutukan ng ‘media’ dahil ang ingay na dala ng anibersaryo ng deklarasyon ng
batas militar noong 1972 at ang brutal na pamamaslang kay Horacio ‘Atio’
Castillo 3rdng kanyang mga ka-brod sa Aegis Juris ang nasa hedlines.
Hindi pa
kasama dito ang ingay nagmumula sa Senado at sa Mababang Kapulungan.
0000
Ganito ang
pangyayari, ang Civil Aviation Board ng Pilipinas ang nakatanggap ng isang
tawag mula sa Federal Aviation Authority ng Estados Unidos.
Isang trans
Pacific commercial flight ang nawawala sa ‘radar’ ng mga Kano.
Maraming
sakay na US nationals dahilan kaya nagpanic ang “paranoid” na si Uncle Sam.
Sa hindi
malamang dahilan ang nawawalang ‘commercial flight’ ay nakita sa ‘air
space’ ng Pilipinas. Kinomando ito ng mga ’hijacker-terrorist’ at pinalapag sa
Clark International Airport sa Pampanga.
Nagkagulo
na ang mga taga Washington D.C. Ang White House, Pentagon , State Department sa
Foggy Bottom, FBI sa Quantico at ang CIA sa Langley, Virginia ay kumahog.
Tawag
sa kanilang mga counterpart sa Pilipinas kaya naman ang mga taga Department of
Foreign Affairs, Philippine National Police, Department of National Defense ,
Armed Forces of the Philippines at iba pang law enforcement body ay ‘double
time’ na kumilos.
Mahirap
ng magkahiyaan. Dito inilapag ng mga terorista ang hinayjack na eroplano at mga
Amerikano ang sakay nito.
Hindi
na pwedeng maulit na muli ang “Luneta incident.”
0000
Tinawag
ito ng Department of National Defense O DND na “TEMPEST WIND DRILL” sa pagitan
ng mga law enforcement agency ng Pilipinas at Estados Unidos.
Ayon
sa DND, kauna-unahan ang ganitong pagsasanay. Ang mga kalahok ay walang kaalam-alam kung ano
ang mangyayari.
Layunin
ng ‘drill’ na palakasin ang pagtugon ng mga otoridad laban sa terorismo na ang
mukha ngayon ay ang ISIS.
Kakaiba
rin daw ang “TEMPEST WIND DRILL” dahil ang mga ‘decision maker’ sa magkabilang
panig ay direktang kalahok .
Tinawag
ito ng US Embassy sa Manila, na “challenging inter-agency drill.”
Sinubok
dito ang kakayahan ng Manila at Washington sa pagpa-plano, koordinasyon at
paglulunsad ng ‘counter terrorism
measure ‘ laban sa mga ekstremistang grupo tulad ng ISIS at Maute.
Hudyat
na ba ito ng pag-init na muli ng relasyon sa pagitan ng Pilipinas at
Estados Unidos?
0000
Overheard
Mga
grupong die-hard supporter ni Pangulong Duterte, nangangamba na hindi
nakakarating ang lahat ng impormasyon na dapat malaman ni PDU30 dahil sa
matinding ‘cordon sanitaire’ sa Palasyo…
(Published 29 September 2017)
0000
Comments